Numbers 33

Amalombolombo ohambo lwabako-Israyeli

1Nanka amalombolombo ohambo lwabako-Israyeli ekuphumeni kwabo eGibhithe ngamaviyo abo bekhokhelwa nguMosi lo-Aroni.

2Ngokulaya kukaJehova waloba walonda izigaba zamalombolombo ohambo lwabo. Nantu uhambo lwabo ngezigaba zakhona:

3Abako-Israyeli basuka eRamesesi ngosuku lwetshumi lanhlanu lwenyanga yakuqala, ngosuku kwedlule iPhasika. Baphuma ngesibindi bekhangelwe ngamaGibhithe wonke,

4wona eyephathekile engcwaba wonke amazibulo awo, lawo ayebulewe nguJehova phakathi kwawo; ngoba uJehova wayehlulele ngokujezisa onkulunkulu bawo.

5Abako-Israyeli basuka eRamesesi bayamisa izihonqo zabo eSukhothi.

6Basuka eSukhothi bayamisa izihonqo zabo e-Ethami, emaphethelweni enkanga-la.

7Basuka e-Ethami, baphenduka baya ePhi Hahirothi; okuya empumalanga yaseBhali Zefoni, babuye njalo bamisa izihonqo zabo eMigidoli.

8Basuka ePhi Hahirothi badabula elwandle bangena enkangala, bathi sebehambe okwezinsuku ezintathu eNkangala ye-Ethami, bamisa izihonqo zabo eMara.

9Basuka eMara baya e-Elimi, lapho okwakulentombo zamanzi ezilitshumi lambili kanye lezihlahla zohlobo lwelala ezingamatshumi ayisikhombisa, bafika bamisa izihonqo khonapho.

10Basuka e-Elimi bayamisa izihonqo zabo besekele uLwandle oluBomvu.

11Basuka eLwandle oluBomvu bayamisa eNkangala yaseSini.

12Basuka eNkangala yeSini bayamisa eDofuka.

13Basuka eDofuka bayamisa e-Alusha.

14Basuka e-Alusha bayamisa eRefidimu, lapho okwakungelamanzi okunathwa ngabantu.

15Basuka eRefidimu bayamisa eNkangala yeSinayi.

16Basuka eNkangala yeSinayi bayamisa eKhibhrothi Hathayava.

17Basuka eKhibhrothi Hathayava bayamisa eHazerothi.

18Basuka eHazerothi bayamisa eRithima.

19Basuka eRithima bayamisa eRimoni Pherezi.

20Basuka eRimoni Pherezi bayamisa eLibhina.

21Basuka eLibhina bayamisa eRisa.

22Basuka eRisa bayamisa eKhehelatha.

23Basuka eKhehelatha bayamisa eNtabeni yaseShefa.

24Basuka eNtabeni yaseShefa bayamisa eHarada.

25Basuka eHarada bayamisa eMakhelothi.

26Basuka eMakhelothi bayamisa eThahathi.

27Basuka eThahathi bayamisa eThera.

28Basuka eThera bayamisa eMithika.

29Basuka eMithika bayamisa eHashimona.

30Basuka eHashimona bayamisa eMoserothi.

31Basuka eMoserothi bayamisa eBhene Jayakhani.

32Basuka eBhene Jayakhani bayamisa eHori Hagidigadi.

33Basuka eHori Hagidigadi bayamisa eJothibhatha.

34Basuka eJothibhatha bayamisa e-Abhurona.

35Basuka e-Abhurona bayamisa e-Eziyoni Gebheri.

36Basuka e-Eziyoni Gebheri bayamisa eKhadeshi, eNkangala yaseZini.

37Basuka eKhadeshi bayamisa eNtabeni yaseHori, emngceleni wase-Edomi.

38Ngokulaya kukaJehova, u-Aroni umphristi wakhwela eNtabeni yaseHori, lapho afela khona ngosuku lwakuqala lwenyanga yesihlanu yomnyaka wamatshumi amane abako-Israyeli belokhu baphuma eGibhithe. 39U-Aroni wayesemdala okweminyaka elikhulu elileminyaka engamatshumi amabili lemithathu ekufeni kwakhe eNtabeni yaseHori.

40Inkosi yase-Aradi engumKhenani eyayihlala eNegebi yaseKhenani, yezwa ukuthi abako-Israyeli babesiza.

41Basuka eNtabeni yaseHori bayamisa eZalimona.

42Basuka eZalimona bayamisa ePhunoni.

43Basuka ePhunoni bayamisa e-Obhothi.

44Basuka e-Obhothi bayamisa e-Iye Abharimi, emngceleni waseMowabi.

45Basuka e-Iyimi (okuyi-Iye Abharimi) bayamisa eDibhoni Gadi.

46Basuka eDibhoni Gadi bayamisa e-Alimoni Dibhilathayimi.

47Basuka e-Alimoni Dibhilathayimi bayamisa ezintabeni zase-Abharimi, phansi kweNebho.

48Basuka ezintabeni zase-Abharimi bayamisa emagcekeni aseMowabi besekele uJodani ngakulelicele ngale kweJerikho. 49Khonapho emagcekeni aseMowabi bamisa izihonqo zabo belandela umfula uJodani kusukela eBhethi Jeshimothi kusiya e-Abhela Shithimu.

50Emagcekeni aseMowabi ngasemfuleni uJodani ngaphetsheya uvelela ngaseJerikho uJehova wathi kuMosi, 51“Khuluma kwabako-Israyeli ubatshele lokhu uthi: ‘Nxa lichapha uJodani lingena eKhenani, 52xotshani phambi kwenu bonke abahlala kulelolizwe. Dilizani zonke izithombe zabo ezibaziweyo kanye lezibunjiweyo, njalo libhidlize zonke izindawo eziphakemeyo zokukhonzela. 53Thumbani ilizwe lelo lihlale kulo, ngoba ngilinike ukuthi libe ngelenu. 54Yabelanani ilizwe ngenkatho, kusiya ngokwezinsendo zenu. Ixuku elikhulu kaliphiwe isabelo esikhulu, kuye kuthi ixuku elincinyane liphiwe isabelo esincinyane. Okuzakuya kubo ngenkatho akube ngokwabo. Kwabelananeni kusiya ngezizwana zabokhokho benu.

55“ ‘Kodwa nxa lingaxotshanga abahlala kulelolizwe, abaseleyo babo bazakuba lukhophe emehlweni enu njalo babe ngameva enyameni yenu. Bazakuba luhlupho ezweni elizahlala kulo. 56Ngakho-ke ngizakwenza kini lokho engizimisele ukukwenza kibo.’ ”